ISTA’

Zerte volte me par, 'sta mia Trieste,
conzada per le feste
per via che tuto i ne ribalta, Piaze
serade per lavori,
strade scavade sbudelade, oròri
de polvere per tuto. Mularia
che impena el motorin e le veture
lassade in terza fila.
Gente che no bazila, disocupadi tare
spolpai fina inte 'l osso
rovinai cisti che i se mena a spasso
in Cavasachi.

Po però cuco in alto, cuco in ziel,
che co no piovi e no ghe esisti nuvole
xe sempre sol.
Ciò, stamatina
che passo per marina cola spesa
no intivo el formagin de monte Grisa
che me schiza de ocio de lassuso?
‘St'aria de istà che xe una poesia
me alza la glicemia
smasalandome a cotimo de miel
e marmelata.
Un gato ciompo co’ ‘na pantigana
senza una teta
i baia el tuca tuca.
Un colombo, su’ mare quela beca,
me caga a piombò sul capel de paia.
Ridi un ragno de baba che va al bagno.
De un albero una foia me fa el sesto
del ombrel.
Svola un cocal.

Cussi me par a mi, 'sta mia Trieste, né ben né mal.

Sergio Penco
 

---

BOLE DE SAVON

Mi go memoria che co iero mulo
me pimpinavo spesso in zima al molo
con ami e togne e là, per far el bulo,
in compania de qualche gato colo
ghe fufignavo
el pesse ai altri pescadori, e intanto
sognavo, mi (vardè se iero spanto!),
e imaginavo
che bel 'ndar in America.
Che bel montar de sora de una nave
e viai, per mar, e lassar tuto indrio!
Cossa volè, no me pareva grave,
mulo che iero e ulmo de matìo,
scampar de casa*
A quel’età no mai ga ‘vù paura
nissun, se zerca el ris'cio, l'aventura:
la testa in sfasa
ga i muli, co i xe giovini.
Ma infuna Nèviorc, mi, cossa faria,
o int'un Cicàgo, 'desso che son vecio?
‘Ndove trovassi un logo, o un’ostarla,
e un do de lori per zogar cotecio?
Me remenassi
in Zentral Parco, calcolo, rugnando,
e me perdessi, come, strambisando
a contar sassi,
squasi de dirme ebete.
Mi za me vedo, mezo imbambinido,
a stravacarme sora de una panca
e a chibizarme in giro, un fià stranido -
come chi se domandi coss'che manca.
Za mi me vedo
là, col tubeto dela savonada,
a spedir bole in ziel cola sufiada,
che anca là credo
i ga 'ste stupidagini.
Me vedo, ecòme, mi, a cucar 'ste bole
e a petar corni che no le me s'ciopi:
guai se le s'ciopa, che, se no son Iole
o se no za me ga saltado i copi,
drento de una
xe piaza Granda... e in quela xe Cavana...
e in quel'altra, più fosca ‘sta putana,
ghe xe una scuna
in rada, che la zinzola.
E vardo in altre, e fina struco i oci,
e intivo el molo, in una. Xe un muleto
che conosso, là in zima, coi pedoci
e coi ami e le togne, e un maladeto
pensier nel coco,
de montar su una nave de passagio
e partir, e, gavendo mi quel viagio
fato de un toco,
ghe zigassi: "No iluderte,
che no xe qua l'America, la vera
xe là a Trieste, senza 'ndar atorno,
credime mi, che mi ogni brava sera
prego san Giusto de tornar, un giornoi"
In aria ondìsa
la malegnasa bola, e de un momento
al altro, so, la s'ciopa, e 'nca mi drento
‘sta bola sbrisa
bramassi in ziel dissolverme.
 

Sergio Penco

---

UNO DEI GATTI DEL TEATRO ROMANO

Un gatto monco che si prova a fare
la faccia di Clint Eastwood
calpesta ciò che resta del Teatro
Romano, e di storia e di cultura
fa un letto per morirci fino a sera
nell'ozio minaccioso,
esibendo una finta impagliatura

e pulci a cartuccera.

Di notte accende gli occhi
e il pelo limaccioso
si rizza, si fa radar, pronto a cogliere
l'arrivo della pioggia bounty killer.
Trieste, invece, sfodera scirocchi,
d'aprile, e imborghesisce,

s'imbonaccia e si coccola i suoi orfani.

Allora si fa onda e si fa ombra,
e di tre zampe fa un locomotore,
e arranca per non essere in ritardo,
lui, all'appuntamento
galante sotto all'Arco di Riccardo.

E gnaula, s'allocchisce, fa l'amore.

Sergio Penco

---

DEI TRIESTINI

Dei triestini ho l'irridenza e il senso
del provvisorio. Dei triestini
ho quell'istinto predatorio
di levantini e greci, di tedeschi,
e poi di carsolini,
un po' indeciso, vacillante e cupo,
a mezza strada tra Godot e il lupo.
Dei triestini ho l'ansima, il tormento
e lo spavento delle foibe.
Dei triestini ho la fierezza altera
delle osterie bercianti e della bora,
dei triestini ho la risata
pingue che spazza il tarlo e la malora,
che nasce sola e vive circolare,
quella che sgombra, spacca e sfanfarona
a lungo, e il sangue si fa mare.
Dei triestini ho il pelo sullo stomaco,
le zanne
e il gusto per le donne.

Ma delle volte, quando si contrae
il cuore, e sbianca, e si raggrinza, freddo
da non avere battiti,
e l'occhio destro si improvvisa acuto,
io vedo in là negli anni, e allora intenso
e colorato è il mio ricordo orale
di tempi e luoghi che non ho vissuto,
ed è Parigi, Pola, e sembra, Umago,
essere Londra, essere Chicago.
Dei triestini ho le salsicce, e il vino
catartico, rituale.

Sergio Penco

---

EL COCAL

Iero sul molo, mi, e la bora scura
fava strighezi fin che toni e lampi
e una piova in cantier che Dio ne scampi
e un ziel de piombo de ciapar paura
mi me cioleva el fià. Subito in fora
el malegnaso mar rugnava in zito
sfrigolando e boindosse un sufrito
de sardoni e de menole in farsora.

'Rente de mi stava un cocal spelado
cola zata de legno, barca stramba,
che 'l se strucava contro la mia gamba:
un cocal de do lire, incapotado
de un capoto onfegado ciolto in gheto,
un s'ciopado de usel, sicuro un cisto,
e coi cisti che mi no go mai visto
de strucarse vizini pò no ameto.

Eco perche che fando el muso duro
mi ghe go dado el chez: "Camina via,
vate ciapar la calda in osteria
con un trapin." Come parlar al muro.
No iera verso, lu', de farlo mover
e 'l me ga fato fin vignir la luna
quel cocal stravirà, po per fortuna
xe intervignudo el ziel, tacando a piover.

El xe 'ndà, 'lora, fin in zima al molo,
e 'l capoto ghe xe sbrissà per tera,
pò cussi, mezo nudo in canotiera
e stremido, lu' se ga alzado in svolo
e 'l ga svolà, taiando i strangolini,
e col cuor che ghe dava, stimo, sponte
el xe sparì al de là del orizonte.
Come ga fato tanti triestini,

che co a Trieste xe 'riva l'Italia
e no i podeva, lori, gnanca viver,
per no saver né leger e né scriver
i ga svolado verso de l'Australia,
lassando el cuor, magari, chi in Cavana
chi a Roian chi a San Giusto o San Giovani,
e sperando tornar int'un domani
in 'sta zita, belissima e putana.

Sergio Penco